पैचिङ्ग ओलम्पिक खेलकुदको पवित्र ज्योतिलाई आज चीनको दक्षिण-पूर्वी भागको आन व्है प्रान्तको ह फै शहरमा सफलताका साथ घुमाइएको छ।

           आज बिहान आठ बजेतिर पैचिङ्ग ओलम्पिक खेलकुदको पवित्र ज्योति घुमाइने समारोह आन व्है अन्तर्राष्ट्रिय सम्मेलन तथा प्रदर्शनी केन्द्रमा शुरु भएको हो। समारोह शुरु हुनुअघि तत्स्थानका व्यक्तिहरुले वन छ्वानको भूकम्पमा परी मरेका मानिसहरुको सम्झनामा एक मिनेटसम्म मौन धारण गरेका थिए।

           जम्मा दुइ सय बाइस जना ज्योतिवाहकले उक्त ज्योति रिले कार्यक्रममा भाग लिएका छन। भोलि पैचिङ्ग ओलम्पिक खेलकुदको पवित्र ज्योतिलाई आन व्है प्रान्तको व्हाइ नान शहर तथा ऊ हु शहरमा घुमाइने कार्यक्रम रहेको छ।