चीनको परराष्ट्र मन्त्रालयका प्रवक्ता छिन काङ्गले आज पैचिङ्ग बोल्दै अमेरिकी परराष्ट्र मन्त्रालयव्दारा प्रकाशित "सन् 2008 वार्षिक स्वतन्त्रताको प्रवर्धन र प्रजातान्त्रिक मुलुकहरुबारेको प्रतिवेदन"ले चीनको प्रजातान्त्रिक मानव अधिकारको अवस्थामाथि जानाजानी दोषारोपण गरेकोमा त्यो एकदमै निराधार कुरा हो भन्नुभएको छ।

         उहाँले पत्रकारबाट सोधिएको प्रश्नको जवाफ दिंदा के बताउनुभएको छ भने, चीन सरकारले मानव जातिलाई मुख्य स्थानमा राख्ने र आफ्ना जनताका लागि राज गर्ने नीति कायम राख्दैआएको छ। त्यसैगरी प्रजातन्त्रको विकास गर्ने, ऐन-कानूनव्दारा व्यवस्था गर्ने, चीनका विभिन्न जातिका मानिसहरुको हक-अधिकार र स्वतन्त्रताको संरक्षण गर्ने दिशामा प्राप्त गरिएको वृहत उपलव्धि सबैले देखिसकेको कुरा पनि उहाँले बताउनुभयो।

          त्यस अवसरमा उहाँले के कुरा पनि बताउनुभएको छ भने, अमेरिकाले स्वयम् आफुकहाँ विद्यमान नाना किसिमका मानव अधिकारसम्बन्धी समस्याहरुमाथि ठूलो नजर पुर्‍याउनुपर्छ, प्रजातान्त्रिक मानव अधिकारको नाममा अरु मुलुकको आन्तरिक मामिलामा हस्तक्षेप गर्न छोड्नुपर्छ र चीन र अमेरिकाबीचको सम्बन्धको विकासलाई बढाउनुका लागि हितकर काम गर्नुपर्छ।