चीनको परराष्ट्र मन्त्रालयका प्रवक्ता छिन काङ्गले आज पैचिङ्गमा आयोजित नियमित पत्रकार सम्मेलानमा बोल्दै मानव अधिकारको संरक्षण गर्दैजानु चीनको अनन्त नीति र अडान रहँदैआएको कुरामा जोड दिनुभएको छ।

      केही पत्रकारद्बारा सोधिएको एक प्रश्नको जवाफ दिंदै उहाँले चीन सरकारले निरन्तररुपमा आफ्नो देशका नागरिकहरुको मानव अधिकारको संरक्षण गर्दै र त्यसलाई पूर्णता दिंदैआएको छ जसको निर्णय अरु कुनै मुलुक, कुनै समूदाय, कुनै संगठन वा कुनै पनि व्यक्तिको इच्छाअनुसार गर्ने होइन भन्नुभयो। त्यसका साथै कुनै मुलुक, कुनै समूदाय, कुनै संगठन वा कुनै पनि व्यक्तिले निर्धारण गरेको मापदण्डका आधारमा चीनको मानव अधिकारको मूल्याङ्कन गर्नु नहुने कुरामा उहाँले जोड दिनुभयो। चीनले सधैं नै अटलताका साथ मानव अधिकारको विकास गर्दैआएको कुरा उहाँले औंल्याउनुभयो।

      चीनले मानव अधिकारको नाउँमा दवाव दिने, यस सन्दर्भमा दोहोरो मापदण्ड अपनाउने र अरु मुलुकको आन्तरिक मामिलामा हस्तक्षेप गर्ने कुराको सधैं दृढ विरोध गर्दैआएको कुरा उहाँले स्पष्ट पार्नुभयो।