चीनको परराष्ट्र मन्त्रालयका प्रवक्ता छिन काङले आज पैचिङ्गमा बोल्दै भारतीय विदेश मन्त्री प्रणव मुकेर्जीको चीन भ्रमणका अवधिमा दुबै पक्षबीच सीमा समस्या लगायत द्बिपक्षीय सम्बन्ध एवम् साझा अभिरुचीका अन्तर्राष्ट्रिय तथा क्षेत्रीय समस्याबारे व्यापक तथा गहनरुपमा वैचारिक आदान-प्रदान गरिने जानकारी दिनुभयो। उहाँले आज पैचिङ्गमा आयोजित नियमित पत्रकार सम्मेलनमा बोल्दै उक्त कुरा भन्नुभएको हो।

         उहाँका अनुसार, श्री मुखर्जीले विदेश मन्त्रीको पद सम्हाल्नुभएपछि गर्नुहुने यो पहिलो चीन भ्रमण हो र दुबै पक्षले यस भ्रमणलाई निकै ठूलो महत्व दिइरहेका छन। प्रधानमन्त्री वन च्या पाउ लगायतका चिनियाँ नेतागण तथा चिनियाँ परराष्ट्र मन्त्रीले भारतीय विदेश मन्त्रीसँग भेट-वार्ता गर्नुहुने कार्यक्रम छ।