चीन सरकारले आज वन् व्छान्‌मा गएको भूइँचालोको प्रकोपको प्रतिरोध र उद्धार कार्यसम्बन्धी चन्दा रकमको उपयोगबारे निर्देशन सार्वजनिक गरेको छ।

      उक्त निर्देशनअनुसार, स व्छान, कान् सू, शेन् सी, युन् नान् आदि प्रकोपग्रस्त क्षेत्रमा चन्दा रकमको पूर्णरुपमा उपयोग हुनुपर्छ र सर्वप्रथम जनताको दैनिक जीवनसङ्ग सम्बन्धित परियोजनामा चन्दा रकमको उपयोग हुनुपर्छ।

      उक्त निर्देशनअनुसार, चन्दा रकमको व्यवस्थापन र उपयोग नियमित, खुला र पारदर्शी हुनुपर्छ जसबाट रकमको उपयोगलाई प्रत्याभूत गर्नसकियोस। नागरिक मामिलासम्बन्धी विभागले नियमितरुपमा चन्दा रकमको मुहान र परिमाणको तथ्यांक र प्रतिवेदन समसामयिकरुपमा सार्वजनिक गर्नुपर्छ। विभिन्न सम्बन्धित विभाग र चन्दा ग्रहण गर्ने विभागले राज्य परिषद्‌को नियमअनुसार अनुगमन र व्यवस्थापन कार्यलाई तीव्र पार्नुपर्छ र चन्दा रकमको उपयोग गर्ने तरिकालाई उकास्नुपर्छ तथा चन्दादाताहरुको वैधानिक हक र अधिकारको ठोसरुपमा संरक्षण गर्नुपर्छ।