चीनको परराष्ट्र मन्त्रालयका प्रवक्ता च्यांग युले आज पैचिंगमा बोल्दै चीन सरकारले डिआओयु टापू नजिकको समुद्री क्षेत्रमा जापानी जहाजले चीनको थाइ वान्‌को जहाजलाई ठोकेर डुबाएको कुराप्रति निकै ध्यान पुर्‍याउनुका साथै डिआओयु टापू नजीकको समुद्री क्षेत्रमा अवैधानिक गतिविधि बन्द गर्न जापानसङ्ग आग्रह गरेको कुरा दोहर्‍याउनुभयो।

      जापानको समुद्री तट रक्षक जहाजले गत हप्ता डिआओयु टापू नजिकको समुद्री क्षेत्रमा थाइ वान्‌को यौटा माछा मार्ने जहाजलाई ठोकेर डुबाएको थियो। आजको नियमित पत्रकार सम्मेलनमा च्यांग युले सम्वाददाताको प्रश्नको जवाफ दिंदै उक्त कुरा बताउनुभएको हो। डिआओयु टापू तथा त्यसको मातहतमा रहने व्दीपहरु प्राचीन कालदेखि नै चीनको प्रादेशिक भू-क्षेत्र रहदैआएको कुरा पनि प्रवक्ता च्यांग युले दोहर्‍याउनुभयो। उहाँका अनुसार, त्यसमाथि चीनको निर्विवाद सार्वभौमिकता कायम छ।