पैचिंग ओलम्पिक खेलकुदको राँको घुमाउने कार्यक्रम आज विहान चीनको उत्तर-पश्चिमी भागको शहर स ह चमा सुरु भयो।

       आज सिन् च्यांग-युगूर जातीय स्वायत्त प्रदेशमा पैचिंग ओलम्पिक खेलकुदको राँको घुमाउने कार्यक्रमको अन्तिम दिन हो। विहान नौ बजेर तीस मिनेट जाँदा स ह चमा पैचिंग ओलम्पिक खेलकुदको राँको घुमाउने कार्यक्रम शुरु भयो। पहिलो राँको वाहक चीनको नमूना-विमान खेलका च्याम्पियन हान् सिन् फिंग हुनुहुन्थ्यो। कूल एक सय चारजना राँको वाहक आजको कार्यक्रममा सहभागी भए।

      स ह च शहरमा राँको घुमाउने कार्यक्रम सम्पन्न भएपछि आज दिउँसो छांग ची शहरमा राँको घुमाउने कार्यक्रम जारी रहने छ र सो कार्यक्रममा एक सय चारजना राँको वाहक सहभागी हुनेछन।