चिनियाँ यातायात एवम् ढुवानी मन्त्रालयका प्रवक्ता ह चेन चुंगले आज पैचिङमा बोल्दै चिनियाँ यातायात एवम् ढुवानी मन्त्रालयले आगामी तीन वर्षमा भूकम्पबाट प्रभावित क्षेत्रका सम्पूर्ण राजमार्गको पुन:निर्माण गर्ने योजना गरेको कुरा वताउनुभयो। चिनियाँ यातायात एवम् ढुवानी मन्त्रालयद्वारा आज आयोजित पत्रकार सम्मेलनमा बोल्दै श्री ह चेन चुंगले उक्त कुरा वताउनुभएको हो।

      उहाँका अनुसार, यस पटकको भूकम्पबाट स छ्वान, कान सु, पल्लो शान सि लगायतका प्रान्त तथा शहरका त्रिपन्न हजार किलोमिटर द्रुत मार्ग, राष्ट्रिय राजमार्ग तथा ग्रामीण क्षेत्रका राजमार्ग केही हदमा प्रभावित भएका छन भने त्यसबाट सत्सट्ठी अरब चिनियाँ युआनको क्षति भएको छ।

      थाहा भएअनुसार, जिर्णोद्धार गरिएपछि अहिलेसम्म क्षतिग्रस्त अत्यधिक राजमार्गहरु पुन:संचालनमा आएका छन, तथापि भूकम्पअघिको स्तरमा पुगेका छैनन।