चीनको राज्य परिषद्को प्रेस कार्यालयद्वारा आज सार्वजनिक पछिल्लो समाचार अनुसार, आज मध्यान्ह बाह्र बजेसम्म स छ्वानमा गएको भूकम्पको उद्धार गर्नका लागि चीनका विभिन्न स्तरीय सरकारले छुट्याएको रकम चौउन्न अर्ब एकतीस करोड बीस लाख चिनियाँ युआन पुगेको छ। चीनले पाएको स्वदेश तथा विदेशका समाजद्वारा चन्दास्वरुप प्रदान गरिएका रकम तथा मालसामानको कुल मूल्य छयालीस अर्ब चौहत्तर करोड चिनियाँ युआन छ भने भूकम्पग्रस्त क्षेत्रलाई छुट्याएका रकम तथा मालसामानको मूल्य पन्ध्र अर्ब चौंसठी करोड नब्बे लाख चिनियाँ युआन पुगेको छ।

      चिनियाँ नागरिक मामिला मन्त्रालयका अनुसार, आज मध्यान्ह बाह्र बजेसम्म सो भूकम्पमा परी मारिएकाहरुको संख्या उनान्सत्तरी हजार एक सय एकासी जना पुगेको छ भने सत्र हजार तीन सय सन्तानब्बे जना अझै बेपता छन।