पैचिंग वातावरण संरक्षण विभागका प्रवक्ता तु शाउ चोंगले आज पैचिंगमा बोल्दै ओलिम्पिक खेलकुदको अवधिमा वायुको राम्रो गुणस्तरका लागि प्रत्याभूत गराउनका लागि पैचिंग शहरले गाडीको व्यवस्थापनलाई मजबूत पार्न अनेकन् कदम चालिरहेको कुरा बताउनुभयो ।

           आजको पत्रकार सम्मेलनमा तु शाउ चोंगले जानकारी दिए अनुसार हाल पैचिंगमा बत्तीस लाखवटा गाडीहरु छन् । पछिल्ला केही वर्षदेखि पैचिंग शहरले निरन्तर रुपमा नयां गाडीको मापदण्डलाई माथि उकास्ने र पुराना गाडीलाई खारेज गर्ने तथा तेलको गुणस्तरलाई माथि उकास्ने कदम चाल्दै आएको छ । जसबाट प्रभावकारी रुपमा पैचिंगको वायुको गुणस्तरमा राम्रो सुधार ल्याइएको छ । यसका अतिरिक्त पैचिं‍ग ओलिम्पिक खेलकुदको अवसरमा जोडसंख्या र विजोड संख्याका आधारमा गाडी चल्ने व्यवस्था मिलाएकोले प्रति दिन चल्ने गाडीहरुको संख्या आधा घट्नेछ ।