आज मध्य चीनको शान् सि प्रान्तमा पैचिंग ओलिम्पिक खेलकुदको ज्योति रिले कार्यक्रमको पहिलो दिनको कार्य सम्पन्न भएको छ ।

         शान् सी प्रान्तमा पैचिंग ओलिम्पिक खेलकुदको ज्योतिको पहिलो दिनको रिले कार्यक्रम युन् छन् शहर र फिंग याउ जिल्लामा भएको हो । युन् छन् शहरमा पहिलो ज्योतिवाहक चीनका प्रख्यात हाते-बल खेलाडी चांग वै होंग हुनुहुन्छ । बिहान आठ बजेतिर ओलिम्पिक खेलकुदको ज्योति रिले कार्यक्रम सुरु भएको थियो । युन् छन्‌मा रिले कार्यक्रमको लम्बाई नौ दशम्लब आठ किलोमिटर रहेको छ र एक सय चारजना ज्योतिवाहकहरु सहभागी भएका थिए ।

            प्राप्त अर्को समाचार अनुसार दिउँसो तीन बजेर दश मिनेट जांदा प्राचीन नगर फिंग याउ जिल्लामा पनि ओलिम्पिक खेलकुदको ज्योति रिले कार्यक्रम सुरु भएको छ। सो कार्यक्रमको कूल लम्बाई पांच दशम्लब पांच किलोमिटर रहेको छ र एक सय चारजना ज्योतिवाहक सो कार्यक्रममा सहभागी भएका थिए ।

           छबीस तारीखदेखि सत्ताइस तारीखसम्म पैचिंग ओलिम्पिक खेलकुदको ज्योति रिले कार्यक्रम थाइ युआन् र ता थोंग शहरमा दुइ दिनसम्म हुने कार्यक्रम रहेको जनाइएको छ ।