गतवर्षदेखि मात्र काठमाडौँ ग्वान्जाउ उडान गर्दै आएको चाइना साउथन एयरलाइन्सले सुरुमा जुन गतिमा व्यापार गरिरहेको थियो अहिले त्यो गतिमा व्यापार भएको छैन । हप्ताको तीन दिन उडान गर्दै आएको एयरलाइन्सले उडान बढाउने लक्ष्य राख्ताराख्तै गत मार्च महिनादेखि चीन बिरोधी गतिविधि भएकाले उडानलाई घटाएर हप्ताको दुईदिनमा सीमित बनाएको छ ।

         चाइना साउथन एयरलाइन्सको कार्यालय चिनियाँ दूताबासको भिसा शाखाको नजिकै भएको र दैनिक विरोधको कार्यक्रम भिसा शाखाको अगाडि हुने गरेकोले आफूले दैनिक बिरोधलाई नजिकैबाट हेरेको महाप्रवन्धक भिमसेन्टले बताउनुभयो । उहाँका अनुसार बिरोधमा उत्रिएकाहरुमा पश्चिमी देशका नागरिकहरु पनि भएकाले विरोध पश्चिमी देशको प्रायोजनमा भएको उहाँले दावी गर्नुभयो । नेपाल सरकारले चीन बिरोधी गतिविधि गर्न रोक लगाएको भए पनि विरोधकर्तालाई पक्रिने काम औपचारिकता मात्र भएको उहाँले बताउनुभयो ।

          दलाइ गुटले नेपालको भूमि प्रयोग गरेर आगामी अगष्टमा हुने बेइजिङ्ग ओलम्पिकलाई भाँड्न खोजेको पनि उहाँले बताउनुभयो । नेपालमा दैनिक चीन बिरोधी गतिविधि हुने गरेकाले काठमाडौँबाट ग्वाङ्जाउ उड्ने यात्रीको संख्या पनि घटेको उहाँले बताउँदै चीनमा भएको प्राकृतिक प्रकोप तथा चीनबिराधी गतिविधि दुवैले हाम्रो व्यापारमा घाटा भएको छ ।

          गत मार्च महिनादेखि चीनले आफ्नो सुरक्षा स्थितिलाई मजबुत बनाएको तथा भिसा वितरणलाई अत्यन्त कडा बनाएकाले पनि जोकोही यात्री चीनको भ्रमण गर्न नपाउने अवस्था रहेको छ । यस्तो अवस्थामा पनि नेपालबाट चीनको यात्रा गर्ने यात्री घटेकाले चाइना साउथन एयरलाइन्सलाई थप घाटाको महसुस भएको छ ।

          चेतनाथ आचार्य

         सि.आर.आई.

          काठमाडौँ