चीनको परराष्ट्र मन्त्रालयका प्रवक्ता लीउ चेन छाउले कोरियाली प्रायद्बीपको आणविक समस्या सम्बन्धी छ-पक्षीय वार्ताकासामु हाल अझ अगाडि बढ्ने महत्वपूर्ण अवसर देखा परेको छ भन्दै चीनले ती छ पक्षका प्रतिनिधि मण्डलका प्रमुखहरुबीचको सम्मेलनको आयोजनाबारे चीनले अन्य विभिन्न पक्षसँग सक्रियताका साथ सामञ्जस्य गरिरहेको कुरा बताउनुभएको छ।

        आज पैचिङ्गमा आयोजित नियमित पत्रकार सम्मेलनमा प्रवक्ता लीउ चेन छाउले उक्त कुरा बताउनुभएको हो। यसका साथै उहाँले हाल छ-पक्षीय वार्ता र कोरियाली प्रायद्बीपलाई आणविक अस्त्ररहित बनाउने लक्ष्यलाई साकार पार्ने प्रक्रियामा सकारात्मक प्रगति हासिल भएको जानकारी पनि दिनुभएको छ। सम्बन्धित विभिन्न पक्षले गरेको रचनात्मक प्रयासको चीनले प्रशंसा गरेको कुरा प्रवक्ता लीउ चेन छाउले औंल्याउनुभएको छ।