आज प्रकाशित जनदैनिक समाचारपत्रले जनाएअनुसार, सात वर्षसम्म सिर्जनात्मक तथा बलियो जग बसालिए पछि पैचिङ्ग ओलम्पिक खेलकूदको विविध तयारी काम पूरा भएको छ।

         प्राप्त जानकारीअनुसार, सन् 2001 देखि यता पैचिङ्गले वातावरणीय संरक्षण क्षेत्रमा छुट्याएको रकम एक खर्ब चालिस अर्ब चिनियाँ युआन पुगेको छ। हालसम्म पैचिङ्गले दिएको वातावरणसम्बन्धी सात वटा वचन सबै व्यवहारमा उतारिसकेको छ।

        पैचिङ्गमा वर्डनेस्ट, वाटरक्यूब लगायत बाह्र नयाँ रङ्गशाला निर्माण भइसकेका छन् भने एघार रङ्गशालालाई विस्तार गरिएको छ। यसका अतिरिक्त, आठ अस्थायी रङ्गशालाको निर्माण पनि पूरा भएको छ । भूमिगत रेल लगायत सार्वजनिक यातायातको क्षेत्र पनि उपलब्धिमूलक भएको छ।

        पैचिङ्गबाहेक, हङ्गकङ्ग, छिङ्गताउ, शाङ्गहाइ, थेनचिन, शनयाङ तथा छिनह्वाङताउ लगायत छ वटा अन्य शहरहरुमा पनि निर्धारित योजना वमोजिम सम्बन्धित काम पूरा भएको छ।

        हालसम्म अन्तर्राष्ट्रिय ओलम्पिक कमिटिका दुई सय पाँच सदस्य मुलुक तथा क्षेत्रको ओलम्पिक समितिले पैचिङ्ग ओलम्पिक खेलकूदमा भाग लिने कुरा व्यक्त गरिसकेका छन।