चीनको राज्य परिषदअन्तर्गत विपन्न अवस्था निवारण र विकास नेतृत्वदायी दलका उप प्रमुख फान स्याउ चिआनले आज चौध तारिखका दिन पैचिङ्गमा बोल्दै चीनले प्रकोप प्रतिरोध गर्नेतर्फ गरीब क्षेत्रको क्षमतालाई जोडतोडसित बढाइने भएको कुरा बताउनुभएको छ।

         उहाँले एउटा अन्तर्राष्ट्रिय गोष्ठीमा बोल्दै चीनको राज्यपरिषद अन्तर्गत विपन्न अवस्था निवारण कार्यालयले वन छुआनमा गएको विनाशकारी भूकम्पबाट प्रभावित क्षेत्रहरुमा सवल पुनर्निर्माण गर्नुका साथै विपन्न अवस्थाको निवारण र प्रकोपको सामना गर्ने कदमहरुको अनुसन्धान गरिरहेको छ, जसबाट छिटोभन्दा छिटो गरी प्राकृतिक प्रकोपको सामना गर्ने कार्य-प्रणालीको स्थापना गर्न सकियोस् भनी बताउनुभएको छ।

         दुई दिने उक्त गोष्ठी चीनको राज्य परिषदअन्तर्गत विपन्न अवस्था निवारण कार्यालय र चीनस्थित बेलायती अन्तर्राष्ट्रिय विकास विभागका प्रतिनिधि कार्यालयले संयुक्त रुपमा आयोजना गरेको हो।