चीनको सार्वजनिक सुरक्षा मन्त्रालयका उप-मन्त्री लीउ चिङले अन्तर्राष्ट्रिय सम्मेलनमा ओलम्पिक खेलकुदको सुरक्षा कार्यबारे जानकारी दिँदै भन्नुभयोः

     "हरेक रङ्गशाला, ओलम्पिक गाँउ, मुख्यालय, होटेलमा सुरक्षासम्बन्धी चौतर्फी तथा विस्तृत योजना एवम् अप्रत्याशित काण्डको सं‍चालन योजना गरिएको छ जसबाट सामान्य तथा जरुरी अवस्थामा छिटो तथा प्रभावकारीरुपमा विविध काण्डको सचालन गर्नसकिन्छ। प्रतियोगिताका क्रममा रङ्गशाला, ओलम्पिक गाँउ वरिपरि तथा भित्र सुरक्षा शक्ति बन्दोबस्त गरिने र चौबीस घण्टामै गश्ति गरिने व्यवस्था छ।"

      थाहा भएअनुसार, चीन सरकारले ओलम्पिक खेलकुदको सुरक्षाको संरक्षणका लागि प्रशस्त स्वयंसेवकलाई भर्ना गराई उनीहरुलाई ओलम्पिक सम्बन्धी ज्ञान, खतराको प्रतिरोध कार्य, जरुरी अवस्थामा सामना लगायत सम्बन्धित तालिम दिएको छ। प्राप्त तथ्यांक अनुसार, पैचिडमा प्रतियोगिताका लागि सुरक्षाको संरक्षण व्यक्तिको संख्या नव्वे हजार जना भन्दा बढी पुगेको छ।

      विश्वको ध्यान आकर्षित भएको ठूलो अन्तर्राष्ट्रिय खेलकुदको रुपमा ओलम्पिक खेलकुद विविध अन्तर्राष्ट्रिय आतंककारी संगठनले प्रहार गर्ने लक्ष्य बनेको थियो। तयारी कार्यको शुरुवातदेखि पैचिङ्ग ओलम्पिक खेलकुदले आतंकबाद प्रतिरोध कार्यलाई महत्व दिँदैआएको छ। यसबारे जानकारी दिँदै चीनको सार्वजनिक सुरक्षा मन्त्रालयका उप-मन्त्री लीउ चिङले भन्नुभयोः

     "हामीले प्रयास गर्दै परम्परागत तथा गैर-परम्परागत सुरक्षा क्षेत्रमा देखापर्ने धम्कीको सक्रियताका साथ सामना गरी आतंकबाद प्रतिरोध विविध शक्तिलाई मिलाएर आतंकबाद प्रतिरोध बहु-तह तथा बहु-क्षेत्रीय निर्देशन चौतारो स्थापित गरेका छौं।"

      ओलम्पिक खेलकुद एउटा अन्तर्राष्ट्रिय कार्यक्रम हो, र यसको सुरक्षासम्बन्धी अन्तर्राष्ट्रिय सहयोगलाई चीनले सबल पार्दै प्रशस्त काम गरेको छ। उदाहरणका लागि चीनले ओलम्पिक खेलकुदको आयोजना गरेका मुलुकहरुको सुरक्षा संगठनसँगको सहयोगलाई सबल पारेको छ र अन्तर्राष्ट्रिय सुरक्षाको संरक्षण संगठनसँग आदान-प्रदान गरेको छ।

      उक्त अन्तर्राष्ट्रिय सम्मेलनमा सार्वजनिक सुरक्षा मन्त्री मङ च्यान चुले पैचिङ्ग ओलम्पिक खेलकुदको सुरक्षालाई प्रत्याभूत गर्न विश्वका विभिन्न मुलुकको व्यापक सहभागीता तथा घनिष्ठ सहयोग चाहिने कुरामा जोड दिनुभयो। उहाँले विभिन्न मुलुकले चीनका सम्बन्धित विभागसँग गुप्तचर सूचनाको आदान-प्रदान गर्नुका साथै आतंकबाद प्रतिरोध सहयोगलाई सबल पारी ओलम्पिक खेलकुदको सुरक्षालाई प्रत्याभूत गर्न संयुक्त प्रयास गर्ने आशा पनि प्रकट गर्नुभयो।