सिन्ह्वा समाचार समितिका अनुसार, चीनले स्वदेश र विदेशका विभिन्न क्षेत्रबाट प्रदान गरिएका सन्ताउन्न अर्ब चालीस करोड चिनियाँ युआनभन्दा बढीको रकम र सामान प्राप्त गरेको छ। त्यसमध्ये बीस अर्ब नब्बे करोड चिनियाँ युआनको रकम र सामान प्रकोप क्षेत्रमा पठाइएको छ।

        चीनको नागरिक मामिलासम्बन्धी विभागका अनुसार, आज दिनको बाह्र बजेसम्म चीनको सि छुआनको वन छुआनमा गएको भूकम्पबाट उनान्सत्तरी हजार एक सय सन्तान्नब्बे जनाको मृत्यु हुनुका साथै तीन लाख चौहत्तर हजार एक सय छयहत्तर जना घाइते भएका छन् , यसका साथै अठार हजार दुई सय त्रिसट्ठी जना बेपत्ता भएका छन् भनी जनाईएको छ ।

         चीनको अर्थ मन्त्रालयका अनुसार, आज पन्ध्र तारिख बाह्र बजेसम्म चीनका विभिन्न स्तरका सरकारले भूकम्पको उद्धारका लागि उनान्साठी अर्ब चिनियाँ युआन प्रदान गरेको छ।