चिनियाँ राष्ट्रिय बौद्धिक सम्पत्ति अधिकार व्यूरोको ऐन विभागका प्रमुख एवम् प्रेस-प्रवक्ता इन सिन थ्यानले आज पैचिङ्ग अन्तर्राष्ट्रिय सूचना केन्द्रमा आयोजित पत्रकार सम्मेलनमा बोल्दै चीनले कडाइकासाथ ओलम्पिक खेलकुद प्रतियोगिताको बौद्धिक सम्पत्तिको अधिकारको संरक्षण गर्ने कुरा बताउँनु भएको छ।

         उहाँकाअनुसार ओलम्पिक खेलकुदको चिन्हको संरक्षण गर्न, उक्त चिन्हका सर्वाधिकारीका वैधानिक हक-अधिकार र हितको प्रत्याभूति गर्न एवम् ओलम्पिक खेलकुद प्रतियोगिताको इज्जतको संरक्षण गर्नका लागि चीन सरकारले " ओलम्पिक खेलकुद प्रतियोगिताको चिन्हको संरक्षण नियम" सार्वजतिक गरी लागु गर्दै आएको छ। यो ओलम्पिक खेलकुद प्रतियोगिताको बौद्धिक सम्पत्तिको हक-अधिकारको संरक्षण गर्न चीनले चालेको शक्तिशाली कदम हो।