अन्तर्राष्ट्रिय ओलम्पिक समितिले हिजो स्वीजर्ल्याण्डको लावसानस्थित आफ्नो प्रधानकार्यालयबाट एउटा वक्तव्य प्रकाशित गरी इराकी खेलाडीलाई पैचिङ्ग ओलम्पिक खेलकुदमा भाग लिन पुनः छूट दिने घोषणा गरेको छ।

          उक्त वक्तव्य अनुसार अन्तर्राष्ट्रिय ओलम्पिक समिति र त्यहाँको भ्रमणमा रहेको इराकको सरकारी प्रतिनिधि मण्डलबीच एउटा सम्झौता सम्पन्न भयो। यस सम्झौतामा इराकलाई एउटा अस्थायी स्वतन्त्र ओलम्पिक खेलकुद समितिको गठन गर्ने र यस वर्षको नोभेम्बरको अन्तअघि औपचारिक ओलम्पिक समितिको गठन गर्नुपर्ने प्रस्ताव प्रस्तुत गरिएको छ।

         अन्तर्राष्ट्रिय ओलम्पिक समितिका अध्यक्ष ज्याक रोगेले आफ्ना खेलाडीको हितका लागि इराक सरकारले गरेको प्रयासको प्रशंसा गर्नुभएको छ।