पैचिङ ओलम्पिक खेलकुदमा भाग लिने विदेशी ओलम्पिक प्रतिनिधि मण्डल अघि पछि पैचिङ आइपुगेका छन्। तिनीहरुले पैचिङ ओलम्पिक खेलकुदको तयारी कार्य निकै निष्ठापूर्ण तथा सन्तोषजनक रहेकोमा प्रशंसा गरेका छन्।

         भियतनामका प्रतिनिधि मण्डलका सदस्य, भियतनामको अखिल खेलकुद विभागका पदाधिकारी होंग को भिन्हले पैचिङ ओलम्पिकका रंगशालाहरु, ओलम्पिक गाउँ तथा अन्तर्राष्ट्रिय सम्वाद केन्द्र लगायत पैचिङ ओलम्पिक खेलकुदका आधारभूत प्रबन्धहरु अन्तर्राष्ट्रिय मापदण्डभन्दा उच्च रहेको कुरा बताउनुभयो।

         नाइजेरियाको प्रतिनिधि मण्डलका सदस्य उमारु शुआले हाल ओलम्पिक गाउँका हार्डवेयर तथा सफ्टवेयरको उच्च मूल्यांकन गर्नुभयो।

        अस्ट्रेलियाको प्रतिनिधि मण्डलका आहार विशेषज्ञ श्रीमती लुइस बुर्केले ओलम्पिक गाउँमा पाइने खाद्य पदार्थमा विविधता मात्र नभई सुरक्षित तथा स्वस्थ रहेको कुरा बताउनुभयो।