पैचिङ्ग ओलम्पिक संयोजन समितिका अधिकारी सुन वै तले आज पैचिङ्ग ओलम्पिक खेलकूद प्रेस केन्द्रमा आयोजित पत्रकार सम्मेलनमा बोल्दै हाल चीनको दक्षिण-पश्चिमी भागमा पर्ने स छुआन प्रान्तमा आयोजना हुने पवित्र ज्योति रिले कार्यक्रमको तयारी कार्य सुचारु रुपमा चलिरहेको कुरा बताउनुभएको छ।

            हिजो दिउँसो सछुआन प्रान्तीय फीङ उ तथा पैछुआन जिल्लाको सिमा क्षेत्रमा छ दशमलब एक रेक्टर स्केलको भूकम्प भयो। यसबारे चर्चा गर्दै अधिकारी सुनले भूकम्प भएता पनि पवित्र ज्योति रिले कार्यक्रममा कुनै परिवर्तन नभएको कुरा व्यक्त गर्नुभयो।

            प्राप्त जानकारी अनुसार, भोली अर्थात तीन तारिखदेखि पाँच तारिखसम्मको अवधिमा पवित्र ज्योति रिले कार्यक्रम स छुआनका तीनवटा शहरमा आयोजना हुने भएको छ। यसका साथै पवित्र ज्योति स छुआनका कुआन हान तथा म्यान याङ यी दुइटा ठाँउमा प्रदर्शित गरिने भएको छ।