आजदेखि पैचिङ्ग ओलम्पिक खेलकुद शुरु हुन चार दिन मात्र बाँकी छ। पैचिङ्ग शहरका प्रेस प्रवक्ता लिउ चले आज बोल्दै ओलम्पिक खेलकुद सफलताका साथ आयोजना हुने कुरालाई सुनिश्चित गर्नका लागि पैचिङ्ग तत्पर भइसकेको कुरा बताउनुभयो।

          आजै पैचिङ्ग अन्तर्राष्ट्रिय प्रेस केन्द्रद्बारा आयोजित पत्रकार सम्मेलनमा प्रवक्ता लिउ चले उक्त कुरा बताउनुभएको हो । उहाँका अनुसार, गत महिनाको बीस तारिखदेखि पैचिङ्गमा मोटर-गाडी जोर तथा बिजोर संख्या बमोजिम चल्ने र विभिन्न समयमा काम गर्ने आदि नियम लागु भएको छ। यसका साथै पैचिङ्गमा तीनवटा लीग-लाईन तथा ओलम्पिक खेलकुदसम्बन्धी चौंतीसवटा बस-लाइन खोलिएका छन्। यसले गर्दा पैचिङ्गको यातायात अवस्थामा अपेक्षाकृत सुधार देखापरेको देखिन्छ।

           हाल ओलम्पिक खेलकुद नजिकिंदै आएको प्रतीक्षामा पैचिङ्गवासीहरु रहिरहेका छन्। साथै विश्वका विभिन्न ठाउँबाट आउने पाहुनाहरुको स्वागत गर्नका लागि उनीहरु तत्पर रहेको कुरा पनि प्रवक्ता लिउ चले बताउनुभएको छ।