चीनका राष्ट्राध्यक्ष हु चिन थाउले आज पैचिङ्गमा बोल्दै चीन सरकार तथा चिनियाँ जनताले वचन-बद्धताको अक्षरस: पालना गर्नुका साथै सक्दो सौहार्दपूर्ण र प्रयासमार्फत एउटा विशेषतायुक्त र उच्चस्तरीय ओलम्पिक खेलकुदको आयोजना गर्ने कुरा बताउनुभयो।

           अन्तर्राष्ट्रिय ओलम्पिक समितिको एक सय बीसौं पूर्ण बैठक आजै राति राष्ट्रिय नाट्य हलमा शुरु भएको छ। श्री हु चिन थाउले त्यस पूर्ण बैठकको उद्धाटन समारोहलाई सम्बोधन गर्दै पैचिङ्ग ओलम्पिक खेलकुदलाई एउटा विशेषतायुक्त र उच्चस्तरीय ओलम्पिक खेलकुदको रुपमा बनाउनु नै चीन सरकार तथा चिनियाँ जनताले अन्तर्राष्ट्रिय समुदायसमक्ष दिएको गम्भीर वचन-बद्धता हो भन्ने कुरा औंल्याउनुभएको छ।

            श्री हुका अनुसार, बितेका केही वर्षयता चिनियाँ खेलकुद क्षेत्र तथा अन्तर्राष्ट्रिय ओलम्पिक समिति र अन्य विभिन्न मुलुकका खेलकुद क्षेत्र बीचको आदान-प्रदान तथा सहयोग निरन्तर रुपमा बढ्दैगएको देखिन्छ। हाल खेलकुद चीनको आर्थिक तथा सामाजिक विकास सवल पार्ने महत्वपूर्ण शक्ति बनिसकेको छ।