चीनको राष्ट्रिय पर्यटन ब्यूरोका उपप्रमुख तु च्यांगले पैचिंग ओलम्पिक खेलकुद अवधिमा स्वदेशी तथा विदेशी पर्यटकलाई सर्वश्रेष्ठ सेवा प्रदान गर्नका लागि चीनका विभिन्न तहका पर्यटन विभागले सक्रिय कदम चालिसकेको कुरा बताउनुभएको छ। उहाँले आज पैचिंग अन्तर्राष्ट्रिय सूचना केन्द्रद्बारा आयोजित पत्रकार सम्मेलनमा उक्त कुरा बताउनुभएको हो।

           पैचिंगको पर्यटन ब्यूरोले गरेको अनुमानअनुसार, पैचिंग ओलम्पिक खेलकुद अवधिमा चार लाखदेखि पाँच लाख पर्यटकले चीन घुम्न आउने छन्। पैचिंग ओलम्पिक खेलकुदमा भाग लिनुहुने विभिन्न मुलुकका अतिथिहरु, सम्बाददाताहरु, खेलाडीहरु र स्वदेशी तथा विदेशी दर्शकहरुको कूल संख्या साठी लाख देखि सत्तरी लाखसम्म पुग्ने अनुमान पनि गरिएको छ।