श्री यु चाइ झीनले आज पेइचिङ्गमा आयोजित अन्तर्राष्ट्रिय ओलम्पिक समितिको 120 औँ महासभामा अन्तर्राष्ट्रिय ओलम्पिक समितिका उपाध्यक्षको पद सम्हाल्नु भएको छ। उहाँ श्री ह चै ल्याङ्गपछि उक्त पदमा रहनुभएको दोस्रो चिनियाँ व्यक्तित्व बन्नुहुन्छ।

          कार्यान्वयन समिति, अन्तर्राष्ट्रिय ओलम्पिक कमिटीको सर्वोच्च अधिकार संस्था हो । उक्त संस्थामा एक अध्यक्ष र चार जना उपाध्यक्षलगायत 15 जना रहन्छन् । अन्तर्राष्ट्रिय ओलम्पिक कमिटीका 96 सदस्यले आज मतदान गर्नुभएको थियो । श्री यु चाइ झीनले 84 मत प्राप्त गरी उक्त पदमा विजयी हुनुभएको हो ।

           श्री यु चाइ झीन 57 वर्षीय हुनुहुन्छ। उहाँले चीनको राष्ट्रिय खेल व्यूरोका उपाध्यक्ष पदमा तथा चीनको अन्तर्राष्ट्रिय खेलकुद समितिमा रहेर काम गरिसक्नुभएको छ। सन 2004 को अगष्ट माहिनामा उहाँ अन्तर्राष्ट्रिय ओलम्पिक खेलकुद समितिको कार्यन्वयन समितिका सदस्य बन्नुभएको थियो ।