उन्नान्तीसौं ग्रीष्मकालीन् ओलम्पिक खेलकुद पैचिङ्गमा भइरहेको छ। धेरै श्रोताहरुले हामीलाई इमेल तथा टेलिफोनमार्फत शुभकामना व्यक्त गर्नुभएको छ।

       सि.आर.आई.श्रोता क्लबहरुको राष्ट्रिय परिषद नेपालका अध्यक्ष टीकाराम घिमिरेले आफ्नो इमेलमा यसरी भन्नुभएको छः

       सर्वप्रथम आयोजना भइरहेको पैचिङ्ग ओलम्पिक खेलकुद सफलतापूर्वक सम्पन्न होस् भन्ने शुभकामना व्यक्त गर्दछु।

       चीनमा आयोजित ओलम्पिक खेलकुद हामी नेपालीहरुका लागि पनि गौरवको विषय हो। हामीलाई आफ्नै आँगनमा आयोजना भइरहेको झैँ अनुभव भएको छ। यस ओलम्पिकमा नेपाली खेलाडीहरुलाई पनि सफलता मिलोस् भनी शुभकामना व्यक्त गर्दछु।