पैचिङ ओलम्पिक खेलकुद आज चौथो दिनमा प्रवेश भएको छ। चीनले मंगलबारको पुरुष सामूहिक जिम्नास्टिक तथा महिला सिंक्रोनाइज दश मिटर प्लेटफर्म डाइभिंगतर्फको खेलमा र उनान्सतरी किलोग्राम समूहको पुरुष भारत्तोलन प्रतियोगितामा तीन स्वर्ण पदक जितेको छ। आज चीन आफूले प्राप्त गरेको एघार स्वर्णसहित पहिलो स्थानमा रहेको छ। आजसम्म चीनले प्राप्त गरेको स्वर्ण तेह्र, रजत तीन र काँश्य दुईवटा प्राप्त गरी प्रथम स्थानमा रहेको हो। हिजो आयोजित प्रतियोगितामा तेह्र स्वर्ण पदकको छिनोफानो भएको थियो ।

          चिनियाँ पुरुष जिमानास्टिक टोलीले आज विहान एथेन्स ओलम्पिक खेलकुदमा हराइएको स्वर्ण पदक पुन:जितेको छ भने एथेन्स ओलम्पिक खेलकुदको च्याम्पिएन जापानी टोलीले रजत पदक जितेको छ र अमेरिकी टोलीले कांस्य पदक जितेको छ।

         महिला सिंक्रोनाइच दश मिटर प्लेटफर्म डाइभिंगतर्फको खेलमा चिनियाँ खेलाडी वांग सिन र छन रो लिनले स्वर्ण पदक जित्नुभएको छ। पैचिङ ओलम्पिक खेलकुदमा चिनियाँ टोलीले डाइभिंग प्रतियोगितामा प्राप्त गरेको स्वर्ण पदक यो तेश्रो हो।