अगष्ट पन्ध्र तारिखका दिन पैचिङ्ग ओलम्पिक खेलकुद प्रतियोगिताको क्रममा फेरि एक पटक उत्तेजक औषधी सम्बन्धी समस्या देखा परेको छ। तीमध्ये उत्तर कोरियाली खेलाडी किम जुङ्ग सुले निषेधित उत्तेजक ‌औषधी खाएकोले प्राप्त गरिएको रजत पदकलाई जफत गरी काँस्य पदक प्राप्त गरिएका चिनियाँ खेलाडी थान व्हाङ्ग ल्याङ्गलाई प्रदान गरिएको समाचार छ।

        अन्तर्राष्ट्रिय सुटिङ्ग समितिका अध्यक्ष ओलेगारिओ भाजख्युज रानाले पत्रकारसंगको अन्तर्वार्तामा बोल्दै अरु खेलमा सहभागी खेलाडीहरुले उत्तेजक औषधी प्रयोग गरेको पाइएमा त्यसला पनि कार्वाही गर्ने बताउनुभएको छ।

        थाहा भएअनुसार भियतनामी जिम्नाष्टिक खेलाडी दो शि न्गान शुङ्गले पनि निषेधित औषधी खाएकोले ओलम्पिक खेलकुद प्रतियोगिताबाट निकालिइएको छ।