चीनको राजधानी पेइचिङमा जारी 29औं गृष्मकालीन् ओलम्पिक शुरु भएको दशौं दिन सोमबार, चीनले आज राति नौ बजेसम्म उनचालीस वटा स्वर्ण पदक जितेको छ। योसहित चीनले अहिलेसम्म प्राप्त गरेका सैंतीसवटा स्वर्ण, चौध रजत र चौध काँश्यसहित कुल पैंसट्ठी पदकका साथ पहिलो स्थानमा रहेको छ।

            सो प्रतिस्पर्धामा अमेरिकाले बीस स्वर्णपदक पाएर दोस्रो स्थानमा रहँदै चीनलाई पछ्याइरहेको छ। अमेरिकाले बीस स्वर्ण,बाईस रजत र पच्चीस काँश्यसमेत-सतसट्ठी पदकसहित दोस्रो स्थानमा रहेको हो ।

            यस्तै आजै भएको प्रतिस्पर्धामा बेलायतले बाह्र स्वर्ण सात रजत र आठ काँश्य पदकसहित सत्ताईस पदक हात परेर तेस्रो भएको छ।

            ओलम्पिकको दशौं दिनसम्म अस्ट्रेलियाले एघार स्वर्ण, दश रजत र बाह्र काँश्यसमेत तेंतीस पदक पाएर चौथो भएको छ भने जर्मनीले नौ स्वर्ण छ रजत र सात काँश्य पदकसहित बाईस पदक प्राप्त गरी पाँचौँ स्थानमा सीमित हुनपुगेको छ।