चीनको स छुआन प्रान्तको वन छुआन जिल्लामा भूकम्प गएको आज एक सय दिन बितिसक्यो। चीनको "जन दैनिक" अखवारले "वन छुआनमा भूकम्प गएको सयौं दिनमा श्रद्धान्जलि" शीर्षकको लेख प्रकाशित गरेको छ।

           सो लेखका अनुसार यस वर्ष वन छुआनमा गएको महा- भूकम्प र पैचिङ्ग ओलम्पिक खेलकुद एकपछि अर्कागरी आएका छन्। यसका लागि एक अर्ब तीस करोड चिनियाँ जनता सबैभन्दा दुःख र सबैभन्दा खुशीको परीक्षामा उत्तीर्ण भएका छन्। भूकम्पको एक सय दिनपछि चीनले भूकम्पबाट पैचिङ्ग ओलम्पिक खेलकुदको सफल आयोजनामा असर पर्न दिएको छैन। भूकम्पको परीक्षामा उत्तीर्ण भएको चीन अझ एकताबद्ध र विश्वस्त रहेको छ।

            यसका साथै सो लेखमा गत एक सय दिनसम्म चलेको प्रकोप उद्धारमार्फत् विश्वले चीनबारे पुनः जानकारी पाएको छ। यस्तो छोटो समयमा पनि चीन सरकारले प्रकोप- उद्धारमा यति धेरै शक्ति र स्रोत-साधन प्रयोग गरेको छ भन्दै केही विदेशी सञ्चार माध्यमले कसैले पनि यति चाँडो र प्रभावकारी कार्य गर्न नसक्ने ठहर गरेको छ।