अब प्रस्तुत गर्दैछौं, पैचिङ्ग ओलम्पिक2008 को सन्दर्भमा सि.आर.आई.रेडियो मोनिटरका हाम्रा पुराना साथी मान बहादुर खत्रीले हामीलाई पठाउनुभएको यो शुभकामना।

            विश्वमा प्रतिष्ठित मानिने ओलम्पिक खेलको उन्नतीसौं ग्रीष्मकालीन ओलम्पिक खेल अगष्ट आठ तारिखदेखि हाम्रो अत्यन्तै नजिकको मित्रराष्ट्र जन गणतन्त्र चीनको राजधानी पैचिङ्ग र केही खेलहरु चीनको प्रशासनिक क्षेत्र हङ्गकङ्गमा शुरु भइरहेको छ। सो खेलको उद्धाटन समारोहका दृश्यहरु निकै रमाइला र आनन्ददायक थिए। सो खेललाई सि.सि.टि.भि. र स्थानीय टेलिभिजन च्यानलहरुले रिले गरी हामी विश्वभरका दर्शकहरुले पैचिङ्ग गएर प्रत्यक्ष रुपमा ओलम्पिक खेलकुद हेरिरहेको अनुभूति गराईरहेका छन।

            नेपालका लगभग सबै टेलिभिजन नेपाली च्यानलहरुले उद्धाटन समारोहको प्रत्यक्ष प्रसारणलाई रिले गराएर देखाइरहेका थिए। हाल पनि केही च्यानलहरुले प्रत्येक दिनका प्रमुख अंशहरु देखाइरहेका छन। विश्वमा जनसंख्या र क्षेत्रफलमा विशाल रहेको हाम्रो अत्यन्त नजिकको मित्रराष्ट्र चीनले अन्य ओलम्पिक खेलहरुमा जस्तै यस खेलमा पनि अग्रता कायम गरिरहेको छ। अन्त्यसम्ममा चीनले अत्यधिक पदक जित्नेछ भन्ने आशा एवम् शुभकामना पनि व्यक्त गर्दछु।