चीनको राजधानी बेइजिङमा जारी 29औं गृष्मकालीन् ओलम्पिक शुरु भएको बार्‍हौं दिन मंगलवार, चीनले आज राती नौ बजेसम्म पैतालीसवटा स्वर्ण पदक जितेको छ । योसहित चीनले अहिलेसम्म प्राप्त गरेको पैतालीसवटा स्वर्णसहित कुल अठहत्तरवटा पदकका साथ पहिलो स्थानमा रहेको छ । आजसम्म चीनले प्राप्त गरेको स्वर्ण पैतालीस , रजत चौध र उन्नाइसवटा काँश्यसमेत गरी अठहत्तरवटा पदक प्राप्तगरी अग्रस्थानमा रहेको हो ।

            सो प्रतिस्पर्धामा अमेरिकाले आज राती नौ बजेसम्म छब्बीसवटा स्वर्णपदक पाएर दोस्रो स्थानमा रहँदै चीनलाई पछ्याइरहेको छ। अमेरिकाले आज राती नौ बजेसम्म छब्बीसवटा स्वर्ण, छब्बीसवटा रजत र सत्ताइस वटा काँश्यसमेत उनान्असीवटा पदकसहित दोस्रो स्थानमा रहेको हो ।

            यस्तै आजसम्मको प्रतिस्पर्धामा बेलायतले आज राती नौ बजेसम्म –सोर्‍हवटा स्वर्ण दशवटा रजत र दशवटा काँश्य पदकसहित छत्तीसवटा पदक हात परेर तेस्रो भएको छ।

            त्यसै गरी ओलम्पिकको बार्‍हौं दिनसम्मको खेलमा रुसले आज राती नौ बजेसम्म तेर्‍हवटा स्वर्ण, चौधवटा रजत र –अठारवटा काँश्यसमेत पैंतालीसवटा पदकपाई चौथो भएको छ।

            त्यस्तै अष्ट्रेलियाले एघारवटा स्वर्ण बार्‍हवटा रजत र –बार्‍हवटा काँश्य पदकसहित पैंतीसवटा पदक प्राप्त गरी पाँचौँ स्थानमा सीमित हुनपुगेको छ।