चीनका प्रधानमन्त्री वन च्या पाउले आज पैचिङ्गमा बोल्दै चीनद्बारा आयोजित ओलम्पिक खेलकुदले विभिन्न मुलुकका खेलाडीका लागि आफ्नो क्षमता प्रदर्शन गर्ने मञ्च प्रदान गर्नुका साथै विश्वसमक्ष चीनको नयाँ प्रारुपलाई देखाइएको छ र चीनले ओलम्पिकका लागि गरेको प्रयास समयसापेक्ष भएको र चीनलाई सन्तोष लागेको कुरा व्यक्त गर्नुभएको छ।

            उहाँले आज डमिनिकाका प्रधान मन्त्री रुसेभेल्ट स्केरिटसँग भेट गर्दा उक्त कुरा बताउनुभएको हो।

            साथै उहाँले पैचिङ्ग ओलम्पिक अवधिमा अन्तर्राष्ट्रिय समाजले चीनलाई समर्थन दिएकोमा धन्यवाद ज्ञापन गर्नुभएको छ। उहाँले ठूला मुलुक हुन् वा साना, धनी मुलुक हुन् वा गरिब, क्षमतामा बलिया हुन् वा कमजोर सबै नै अन्तर्राष्ट्रिय समाजका परिवारका सदस्य हुन् र आपसमा समान व्यवहार गर्नुपर्ने कुरामा जोड दिनुभएको छ।