मुख्य आयोजक शहरका लागि ओलम्पिक खेलकुदको अवधिमा यातायातको सामू बढी दबाव देखा पर्नेछ। यातायात सम्बन्धी सेवाको मांग पनि बढ्नेछ। त्यसका अतिरिक्त, ओलम्पिक खेलकुद पैचिङ शहरका धेरै ठाउँमा परेका कारण हालको दैनिक व्यवस्थापन लागू गरिएको खण्डमा सम्बन्धित मापदण्ड पुग्ने छैन अर्थात प्रभावकारी हुनेछेन। त्यसै कारण वितेका ओलम्पिक खेलकुदहरुले यातायातलाई सिमित पार्ने कदम चालेको थियो। उदाहरणका लागि मोटर-गाडीको जोर संख्या तथा विजोर संख्या बमोजिम बाटोमा चल्ने। ती कदमहरुको प्रयोग सिउल ओलम्पिक खेलकुद तथा यथेन्स ओलम्पिक खेलकुदको अवधिमा पनि गरिएको थियो।

      यातायात विभागको अनुमान अनुसार, जोर तारिखमा जोर नम्बरको मोटर-गाडी मात्र चल्नसक्ने तथा विजोर तारिखमा विजोर नम्बरको मोटर-गाडी मात्र चल्नसक्ने कदमको प्रयोगमार्फत बाटोमा चल्ने मोटर-गाडीहरुको कूल संख्यामाट पैंतालीस प्रतिशत घट्ने छ भने मोटर-गाडीबाट निश्कासित प्रदुषित तत्व पनि घट्ने छ। वास्तवमा गत वर्षको अगष्ट महिनामा आयोजित "सौभाग्य पैचिङ" परिक्षण प्रतियोगिताको अवधिमा पैचिङले चार दिनसम्म यस्तै कदम चालेको थियो। पैचिङका बासिन्दा श्रीमति चंग चेले त्यति बेलाको अवस्था सम्झना गरेकी छिन। उनका अनुसार, मोटर-गाडीको संख्यालाई सिमिति पार्ने कदम प्रभावकारी थियो। उनले यातायात तथा वायुको गुणस्तरको सुधारले ओलम्पिक खेलकुदको मांग पूरा गर्नुका साथै पैचिङबासीहरुलाई हित पुर्‍याउने विश्वास गरेकी छिन।

      यस्तै कदम भयो भने पैचिङका लागि अवश्य नै एउटा राम्रो कुरा हो। जसले यातायातका लागि मात्र नभई वायुका लागि पनि हितकर हुनेछ।

      यातायात विभागको अनुमान अनुसार, मोटर-गाडीको संख्यालाई सिमिति पार्ने कदम चालेपछि हरेक दिन सार्वजनिक यायायातको साधनमार्फत बाहिर जाने मानिसहरुको संख्या चालीस लाख थपिने छ। त्यस समस्याको समाधानका लागि पैचिडले सार्वजनिक बस तथा भूमिगत रेलको संचालन समयलाई लम्ब्याउन समेत कदम चाल्नेछ।