चौबीस तारिखका दिन समापन भएको पैचिङ्ग ओलम्पिक खेलकुद प्रतियोगिताले विभिन्न मुलुकका राजनैतिक तथा खेलकुद क्षेत्रका व्यक्तिहरुको मनमा गहिरो छाप परेको छ। उनीहरुले एकपछि अर्को गरी टिप्पणी-लेख प्रकाशित गरी पैचिङ्ग ओलम्पिक खेलकुदको प्रशंसा व्यक्त गर्दै आएका छन्।

       त्यस क्रममा थाइ प्रधानमन्त्री सामाक सुन्दाराभेजले हिजो थाइ ओलम्पिक खेल टोलीको सम्मानमा आयोजित समारोहमा बोल्दै पैचिङ्ग ओलम्पिक खेलकुद प्रतियोगिताको संयोजन निकै राम्रो छ र त्यसबाट सबै एशियाली मुलुकका जनतालाई गौरव लागेको कुरा बताउनुभएको छ।

       पैचिङ्गबाट फ्रान्समा फर्कनुभएको फ्रान्सेली ट्राक एण्ड फिल्ड संघका अध्यक्ष बेर्नार्द अम्सालेमले बोल्दै पाँच पटकसम्म ओलम्पिक खेलमा भाग लिएको तर पैचिङ्ग ओलम्पिक खेलकुद प्रतियोगिता उहाँलाई सबभन्दा सफल लागेको हो भनी बताउनुभएको छ।

      रुस र इन्डोनेशियाका सम्बन्धित व्यक्तिहरुले पनि पैचिङ्ग ओलम्पिक खेलकुद प्रतियोगिताको ठूलो प्रशँसा व्यक्त गर्दै आएका छन्।