|
पैचिङ ओलम्पिक खेलकुद सम्पन्न भइसकेको छ। तथापि रोचक प्रतियोगिताहरु सम्पन्न भएपछि अन्तर्राष्ट्रिय व्यक्तित्वहरुले पैचिङ ओलम्पिक खेलकुदको प्रशंसा गर्नुभयो।
टर्कीको एसेम्बलीका प्रमुख कोकसाल टोपटानले हिजो टर्कीस्थित चीनका राजदूत सुन को श्यांगसँग भेट-वार्ता गर्दा पैचिङ ओलम्पिक खेलकुदको संयोजन कार्य तथा प्रतियोगिताहरुको आयोजना गर्ने कार्य उत्कृष्ठ रहेकोमा प्रशंसा गर्नुभयो।
बंगलादेशको ओलम्पिक टोलीका ट्रेक एण्ड फिल्डका प्रशिक्षक नाचरुल इस्लाम रुमेले हिजो बोल्दै स्वयंसेवकहरुको उत्साहजनक तथा प्रभावकारी सेवा आफ्नो मनमा गहिरो छाप परेको हुनाले संचार माध्यममार्फत सम्पूर्ण स्वयंसेवकहरुलाई आफ्नो सम्मान व्यक्त गर्ने आशा लिनुभयो।
फ्रान्सका राष्ट्रपति निकोलास सार्कोजीले हाल राष्ट्रपति भवनमा पैचिङ ओलम्पिक खेलकुदमा सहभागी केही खेलाडीहरुसँग भेटघाट गर्दै यो ओलम्पिक खेलकुद एउटा उत्कृष्ठ समारोह रहेको भनी सराहना गर्नुभयो।
|
