पैचिङ्ग पारा ओलम्पिक खेलकुदसम्बन्धी सोह्र लाख पचास हजार वटा टिकट बेच्ने अनुमान गरिएको छ। हिजोसम्म जम्मा एघार लाख नब्बे हजार वटा टिकट बिक्री भैसकेको छ। त्यस संख्याले टिकटको कूल संख्याको बहत्तर प्रतिशत स्थान ओगटेको छ। पैचिङ्ग पारा ओलम्पिक खेलकुदको संयोजन समितिका प्रमुख चाङ्ग छ्यौ फिङ्गले हिजो पैचिङ्गमा आयोजित पत्रकार सम्मेलनमा उक्त जानकारी दिनुभएको हो।

            पैचिङ्ग ओलम्पिक खेलकुदको संयोजन समितिअन्तर्गत सञ्चार-माध्यमको सञ्चालन विभागका प्रमुख सुन वै च्याका अनुसार, पारा ओलम्पिक खेलकुदको उद्धाटन समारोहका टिकटसम्बन्धी वितरण कार्य आजैदेखि शुरु भएको छ।