चीनका हु पै प्रान्तका छ जना महिला कामदारहरुका लागि जापानमा देखा परेका श्रमिक ज्यालासंबन्धी घटनालाई लिएर चीनको परराष्ट्र मन्त्रालयका प्रवक्ता श्रीमती च्याङ्ग युले आज एघार तारिखका दिन पैचिङ्गमा बोल्दै जापानका सम्बन्धित विभागहरुव्दारा छिटो गरी त्यसबारे जाँचबुझ गरी उचित र निष्पक्ष रुपमा जापानमा रहेका चिनियाँ महिलाहरुलाई न्याय दिलाउंन वैधानिक अधिकार तथा हित संरक्षण गरियोस् भनी चीनबाट आग्रह गरिएको कुरा बताउनुभएको छ।

         थाहा भएअनुसार जापानमा कार्यरत् ती चिनियाँ महिलाहरुले हरेक दिन पन्ध्र घण्टा कठिन कामकाज गरेपनि तलब ज्यादै कम मात्र पाएका थिए। उनीहरुले तलब बढाउन आग्रह गर्दा जापानी कम्पनीले उनीहरुलाई चीन फर्काएको छ। त्यसै क्रममा चिनियाँ महिला कामदारहरुले यसको बिरोध गर्दै आएका थिए। बिरोधका घटनामा तीनजना घाइते भएका अन्य तीन जनालाई चीनमा फर्काइएको हो। चीनका प्रवक्ता श्रीमती च्याङ्ग युले पत्रकारबाट सोधिएको प्रश्नको जवाफ दिंदै उक्त कुरा बताउनुभएको हो।