अन्तर्राष्ट्रिय पारा ओलम्पिक खेल समितिका अध्यक्ष फिलिफ ग्राभेन ले चीनको छिङ्ग ताउ नगरमा सञ्चार माध्यमसंगको अन्तर्वार्तामा बोल्दै पैचिङ्ग पारा ओलम्पिक खेलले अनेकौं महान खेलाडीहरुलाई जन्माएको कुरा बताउनुभएको छ।

         उहाँका अनुसार यस पटकको पारा ओलम्पिक खेलमा अनेकौं उत्तम खेलाडीहरुले बारम्बार रिकर्डलाई तोड्दै आएका छन् र त्यसको कारण राम्रो मेहनत र चीनमा आयोजित सुविधायुक्त पारा ओलम्पिक खेल नै हो।

         उहाँले सोही दिन छिङ्ग ताउ नगरमा गई हेलिकप्डरबाट समुद्रमा आयोजित विभिन्न खेलका प्रतिस्पर्धा हेर्नुभएपछि विकलाङ्ग गाउँको पनि निरीक्षण गर्नुभयो। उहाँले यहाँ विश्वको उच्च स्तरीय प्रबन्धहरु हुनुका साथै संयोजन-कार्य एकदमै राम्रो छ। सबै खेलाडीहरु आ-आफ्नो मुलुकमा फर्कंदा छिङ्ग ताउ लगायत चीनप्रति निकै मीठा मीठा सम्झना लिएर जानेछन।