चिनियाँ परराष्ट्र मन्त्रालयका प्रवक्ता छिन कांगले आज पैचिङमा आयोजित नियमित पत्रकार सम्मेलनमा बोल्दै क्वानटानामो अखडामा थुनिएका चिनियाँ आतंककारी तत्वहरु चीनलाई फर्काउन तथा कानुनबमोजिम् उनीहरुलाई सजाय दिन अमेरिकासँग चीनले आग्रह गरेको कुरा बताउनुभयो।

      अमेरिकी संघीय क्षेत्रीय अदालतका न्यायाधीशले हाल अमेरिकी सेनाको क्वानटानामो अखडामा थुनिएका चिनियाँ आतंककारी तत्वहरुलाई रिहा गर्ने आदेश दिनुभयो। त्यसपछि अमेरिकी सरकारले यस इन्साफप्रति अपिल गरेको छ। यसबारे चर्चा गर्दै प्रवक्ता छिन कांगले आतंककारी प्रतिरोध समस्यामा दोहोरो मापदण्डको पालना नगर्न तथा त्यसमाथि कडाइसाथ प्रहार गर्न चीनले अमेरिकासँग आशा लिएको कुरा बताउनुभयो।

      थाहा भएअनुसार, क्वाटानामो अखडामा थुनिएका ती आतंककारी तत्वहरु संयुक्त राष्ट्र संघीय सुरक्षा परिषद्ले ठहर गरेको "पूर्वी तुर्किस्तान इस्लामिक आन्दोलन" लगायत आतंककारी संगठनका सदस्यहरु हुन्।