चीनका परराष्ट्र मन्त्रालयका प्रवक्ता छिन काङले आज आयोजित नियमित पत्रकार सम्मेलनमा बोल्दै अन्तर्राष्ट्रिय समाजले वर्तमान मौद्रिक संकटको संयुक्त रुपमा सामना गर्ने क्रममा विकासोन्मुख मुलुकको हित तथा ध्यानलाई यथेष्ठ रुपमा नजर पुर्‍याई विकासोन्मुख मुलुकको आर्थिक तथा मौद्रिक स्थिरताको संरक्षण गर्नुपर्ने कुरा व्यक्त गर्नुभएको छ।

      एशिया-युरोप शिखर सम्मेलनको अवधिमा दुई महादेशले वर्तमान मौद्रिक संकटको संयुक्त रुपमा सामना गर्ने कुरा सार्वजनिक गरिने हो कि भन्ने प्रश्नको जवाफ दिँदै उहाँले उक्त कुरा भन्नुभएको हो। साथै उहाँले वर्तमान अन्तर्राष्ट्रिय मौद्रिक संकट चर्कँदै गई विश्वव्यापी आर्थिक संकट फैलिइरहेको पृष्ठभूमिमा आयोजना हुने यस पटकको शिखर सम्मेलनमा अन्तर्राष्ट्रिय समाजले सहयोग गर्नुपर्ने विचार व्यक्त गर्नुभयो।