|
 आफ्नो कार्यकाल सकेर स्वदेश फर्कनु अगाडि विदाई भेटघाटका रुपमा नेपालका लागि चिनियाँ राजदुत च सियाङ्ग लिनले उच्च स्तरका नेपाली नेताहरुसँग छलफल गर्नुभएको छ। भेटघाट गर्ने क्रममा उहाँले राष्ट्रपति डा. रामवरण यादवसँग बुधबार राष्ट्रपति भवन शितल निवासमा शिष्टाचार भेट गर्नु भएको हो ।
चिनियाँ राजदुत सियाङ्ग लिन नेपालमा राजनीतिक परिवर्तनभएपछि नेपाल आउने पहिलो विदेशी राजदुत हुनुहुन्थ्यो। तत्कालीन प्रधानमन्त्री गिरिजाप्रसाद कोइरालाले राष्ट्रप्रमुखको समेत हैसियतले चिनियाँ राजदुत सियाङ्ग लिनको ओहोदाको प्रमाणपत्र सन् 2008 को अप्रिलमा ग्रहण गर्नु भएको थियो । राजदुत सियाङ्ग लिन आउँदो नोभेम्बर 5 तारिख चीन फर्कनु हुँदैछ
राष्ट्रपतिसँगको भेटघाटमा आफ्नो दुई वर्षको कार्यकालमा नेपालको राजनीतिमा आएको परिवर्तन तथा वर्तमान नयाँ सरकारको चीनप्रतिको दृष्टिकोणलाई आफुले बेइजिङ चीन सरकारसामु राख्ने बताउनुभयो। राजदुत सियाङ्ग लिनका निजी सचिव लिले सि.आर.आई.लाई बताए अनुसार राष्ट्रपति र चिनियाँ राजदुतबीचमा सौहार्दपुर्ण वातावरणमा कुराकानी भएको छ। चिनियाँ राजदुत सियाङ्ग लिनले गत मंगलबार नै प्रधानमन्त्री पुष्पकमल दाहाल प्रचण्डसँग भेटघाट गरिसक्नु भएको छ।
हिजै चिनियाँ राजदुत सियाङ्ग लिनले संविधानसभाका अध्यक्ष सुवासचन्द्र नेम्बारुँग पनि भेटघाट गर्नु भएको थियो। चीन सरकारले नेपालको संविधानसभाको निर्वाचन सफल बनाउन तथा नयाँ संविधान बनाउका लागि पनि सहयोग उपलब्ध गराउँदै आएको। त्यसैगरी राजदुत सियाङ्ग लिनले उपराष्ट्रपति परमानन्द झा, प्रधानन्यायधीस केदारप्रसाद गिरी, नेपाली कांग्रेसका सभापति गिरिजाप्रसाद कोइराला, नेपाल मजदुर किसान पार्टीका अध्यक्ष नारायणमान विजुक्छेसँग पनि विदाइ भेटघाट गर्नु भएको छ ।
चेतनाथ आचार्य
सि.आर.आई.
काठमाडौँ
|
