चीनको राज्य परिषद्‌ अन्तर्गत दक्षिण चीनको पानीलाई उत्तर चीनमा सार्ने परियोजना कार्यालयको पछिल्लो तथ्यांक अनुसार दक्षिण चीनको पानी उत्तर चीनमा सार्ने परियोजनाका पूर्व र मध्य भागका पहिलो चरणको परियोजनामा एकाइस अर्ब असी करोड चिनियां युआन बराबरको रकम लगानी गरिएको छ । जुन लगानीले परियोजनाको कूल लगानीको छयहत्तर प्रतिशत स्थान ओगटेको छ ।

           थाहा भए अनुसार हाल दक्षिण चीनको पानी उत्तर चीनमा सार्ने परियोजना बेरोकटोकका साथ भइरहेको छ । तीमध्ये मध्य भागमा पहिले सुरु भएको पैचिंगदेखि श च्या च्वांगसम्मको आकस्मिक रुपमा पानी आपूर्ति गर्ने परियोजना पूरा भएको छ । त्यस परियोजनाले हाल औपचारिक रुपमा पैचिंगमा पानीको आपूर्ति गर्न सुरु गरेको छ । यसका अतिरिक्त पूर्व भागको प्रदूषणलाई तह लाउने परियोना पनि सर्वतोमुखी रुपमा सुरु भएको छ ।