कुपणडोल ललितपुर，एड्भान्सड इन्जीनियरिङ कलेज एण्ड म्यानेजमन्टमा पढिरहनुभएका हाम्रा नियमित श्रोता तरुण रायले हामीलाई पठाउनुभएको पत्रमा भन्नुभयो-

        म सी.आर.आई.को नियमित श्रोता तरुण राय हु।

         सर्वप्रथम म सी.आर.आई.को उत्तरोत्तर प्रगतिको कामना गर्दछु। म यस रेडियोबाट प्रसार गरिने सबै कार्यक्रमहरु नियमित रुपमा सुन्दछु।

         मलाई अति नै मन पर्ने कार्यक्रम रमाइलो शनिबार सधैं सुन्नेगर्दछु। म अहिले काठमाडौंमा छु जहाँ तपाईंको रेडियो एकदमै प्रष्ट सुनिन्छ। पत्र मन्जुषा कार्यक्रम पनि मलाई अति नै मन पर्छ। मितेरी पुल पनि मलाई धेरै मन पर्छ। खासगरी सी.आर.आई.का कार्यक्रमहरु अरुको तुलनामा बढी ज्ञानबर्धक हुने भएकाले म यो रेडियो सुन्नेगर्दछु।

         " म र सिआरआई "ज्ञान विज्ञान प्रितयोगितामा विशेष पुरष्कार प्राप्त विजेता लोकेन्द्र काफ्ले चीनको भ्रमणमा आउनुभएको कुरा धेरै श्रोताहरुलाई प्रेरित गरेको छ। नेपाल चीन मैत्री परिषद एवं सि. आर. आई. श्रोता क्लबहरुको पूर्वाञ्चल परिषद, दमक, झापाका डा. अध्यक्ष नविन चापागाईले हामीलाई पठाउनुभएको पत्रमा भन्नुभयो-

          सि. आर. आई. नेपाली कार्यक्रमले यस पटक सञ्चालन गरेको "म र सि. आर. आई." ज्ञान विज्ञान प्रतियोगिता र "चीनको व्यावसायिक शिक्षण " नामक अर्को ज्ञान विज्ञान प्रतियोगिता सफलता पूर्वक सम्पन्न गरेकोमा हाम्रो यस पूर्वाञ्चल परिषदको तर्फबाट हार्दिक धन्यवाद ज्ञापन गर्दछौ ।सधैंभरी यस्ता ज्ञान विज्ञान प्रतियोगिताले चीनको वारेमा जान्ने बुझ्ने मौका धेरै नेपालीहरुले पाएका छन् र प्रतियोगितामा भाग लिई धेरैले पुरस्कार जित्ने र चीनको भ्रमण गर्ने अवसर पनि पाएका छन् । यस्ता कार्यत्रmमहरुले नेपाल र चीन अनि नेपाली र चीनियाँ जनता बीचको सम्बन्ध अझ प्रगाढ हुदै गएको छ । नेपाल चीन बीचको मित्रता सधैं अटल र अमर रहोस ।