|
चीनका राष्ट्राध्यक्ष हु चिन थाउ हिजो हवाना पुगी क्युवाको राजकीय भ्रमण शुरु गर्नुभएको छ। क्युवाका जनतालाई हुरी-बतास प्रकोपको प्रतिरोध गर्न सहायता दिने सम्बन्धमा राष्ट्राध्यक्ष हु चिन थाउको विशेष विमानमा रहेका उद्धार सामग्री पनि हवाना पुगेको छ। उक्त उद्धार सामग्री क्युवालाई हस्तान्तरण गरिएको छ।
उद्धार सामग्रीमा एक हजार छ सय वटा कम्मल र एक हजार छ सय वटा सिरकहरु समावेश छन्। र ती उद्धार सामग्रीको कुल मूल्य छ लाख चिनियाँ युआन रहेको बुझिएको छ।
उद्धार सामग्रीको हस्तान्तरण समारोहमा चिनियाँ वाणिज्यमन्त्री छन द मिङ्ग र क्युवाका विदेशी पूंजी तथा आर्थिक सहयोग मन्त्री माल्मिएरकाले बेग्ला-बेग्लै रुपमा चीन र क्युवा सरकारहरुको तर्फबाट सम्बोधन गर्नुभयो। श्री छन द मिङ्गले क्युवाको पार्टी र सरकारको नेतृत्वमा क्युवाका जनताले आफ्नो घरवार पुनःनिमार्ण गर्ने कुरामा विश्वास गर्नुभयो। श्री माल्मिएरकाले चिनियाँ कम्युनिष्ट पार्टी , राष्ट्राध्यक्ष हु चिन थाउ र चिनियाँ जनताप्रति धन्यवाद व्यक्त गर्नुभयो।
|
