चिनियाँ कम्युनिष्ट पार्टी केन्द्रिय समितिको राजनैतिक आयोगका स्थायी सदस्य एवम् चिनियाँ कम्युनिष्ट पार्टी केन्द्रिय समिति अनुशासन जाँचबुझ समितिका सचिव ह को छ्याङले आज पैचिङ्गमा बोल्दै केन्द्रिय सरकारद्बारा गरिरहेको भित्री माँगलाई विस्तार गर्नुमार्फत आर्थिक बृद्धिलाई अघि बढाउने नीतिलाई व्यवहारमा उतार्ने प्रत्याभूति दिनुपर्ने कुरामा जोड दिनुभएको छ। साथै उहाँले यसले गर्दा आर्थिक लगानीको सुरक्षित, पारदर्शिता तथा कार्यकुशल व्यवस्थापन तथा प्रयोगलाई पनि प्रत्याभूति दिन सकिने कुरा बताउनुभएको छ।
थाहा भए अनुसार, थपिने एक खर्ब चिनियाँ युआन बराबर केन्द्रिय लगानी योजनालाई चाँडै नै व्यवहारमा उतार्नका लागि चिनियाँ कम्युनिष्ट पार्टी केन्द्रिय समिति अनुशासन जाँचबुझ समिति लगायतका संस्थाहरुले नीतिलाई व्यवहारमा उतार्न जाँच कार्य टोलीको गठन गरी एकतीस वटा प्रान्त तथा शहरमा सम्बन्धित अनुगमन तथा जाँच कार्य गरिरहेका छन।
|