हाम्रो रेडियो अर्थात चिनियाँ अन्तर्राष्ट्रिय रेडियोद्बारा आयोजित सुन्दर कुआङ सि नामक ज्ञान-विज्ञान प्रतियोगिताका विशेष पुरस्कार बिजेता नेपाली श्रोता मान बहादुर खत्री आज दिउँसो पैचिङ्ग आइपुग्नुभएको छ र उहाँ विशेष पुरस्कार प्राप्त गर्ने दश जना बिजेताहरुमध्येको एक हुनुहुन्छ।

             थाहा भए अनुसार, ती बिजेताहरुले भोली अर्थात नभेम्बर उनान्तीसदेखि डिसेम्बर नौ तारिखसम्म कुआङ सि चुङ जातिय स्वायत्त प्रदेश तथा पैचिङ्गको भ्रमण गरी चीनको रमणिय दृश्य, संस्कृति तथा द्रुत विकासको यथेष्ठ अनुभव गर्नुहुने कार्यक्रम छ।

            बिजेता नेपाली श्रोता मान बहादुर खत्रीले आज पैचिङ्गमा हाम्रो रेडियोका सम्बाददातासँग कुराकानी गर्दै आँफुलाई चीन भ्रमण गर्ने उत्कृष्ठ अभिलाषा रहेको कुरा बताउनुभएको छ।

           प्राप्त जानकारी अनुसार, चालू वर्षको मार्च छदेखि अक्टोबर छ तारिखसम्म आयोजित उक्त प्रतियोगितामा जम्मा पचास लाख पचास हजार वटा उत्तर प्राप्त गरियो र त्यसमा विश्वका एक सय बयालीस वटा मुलुक तथा क्षेत्रमा रहेका हाम्रा श्रोताहरुले भाग लिए थिए।