चिनियाँ परराष्ट्र मन्त्रालयका प्रवक्ता लिउ चेन छाउले आज पैचिङमा आयोजित नियमित पत्रकार सम्मेलनमा बोल्दै थाइल्याण्डमा छिटै सामाजिक स्थिरता तथा आर्थिक विकास हुनसक्ने आशा चीनले लिएको कुरा वताउनुभयो।

      प्रवक्ता लिउ चेन छाउका अनुसार, थाइल्याण्ड चीनको मैत्रीपूर्ण असल छिमेकी मुलुक हो। चीनले थाइल्याण्डको परिस्थितिको विकासलाई ध्यान दिनुका साथै थाइल्याण्डमा छिटै सामाजिक स्थिरता तथा आर्थिक विकास हुनसक्ने हार्दिक आशा चीनले लिएको छ। यो थाइल्याण्डका जनताको हितसँग अनुकूल हुनुका साथै यस क्षेत्रको स्थिरता तथा विकाससँग पनि मेल खाएको छ।