चिनियाँ राज्य परिषद्अन्तर्गत प्रेस कार्यालयका प्रमुख वाँग छंगले चीनमा मानव अधिकार सम्बन्धी पक्षमा ऐतिहासिक प्रगति हाँसिल भएको र मानव अधिकारको स्थिति अझसम्मको सर्वोत्तम अवधिमा परेको कुरा व्यक्त गर्नुभयो।
उहाँले "विश्व मानव अधिकार घोषणा" प्रकाशित भएको साठीऔं वार्षिकोत्सवको उपलक्ष्यमा मानव अधिकार समस्याको बारेमा "मानव अधिकार" पत्रिकालाई दिनुभएको अन्तर्वार्तामा उक्त कुरा बताउनुभएको हो।
मानव अधिकारलाई कदर गर्नु र सुनिश्चित पार्नु चिनियाँ कम्युनिष्ट पार्टी र चीन सरकारले देश संचालन गर्ने दिशामा अपनाएको एक महत्वपूर्ण सिद्धान्त हो भन्दै प्रमुख वाँगले सुधार र खुलापन भएको तीस वर्षदेखि यता चिनियाँ जनताको अस्तित्व अधिकार र विकास अधिकारमा अपूतपूर्व सुनिश्चितता हाँसिल भएको कुरा पनि बताउनुभयो।
मानव अधिकार वास्तवमा मुलुकको सार्वभौमिकताको परिधिभित्र रहेको एउटा समस्या हो भन्दै प्रमुख वाँगले विश्वका विभिन्न मुलुकले समानता र पारस्परिक सम्मानको आधारमा रचनात्मक कुराकानी, आदान प्रदान र सहयोग गरेको खण्डमा मात्र साझा प्रगति र विकास हाँसिल हुन सक्ने कुरा पनि बताउनुभयो।
|