सि.आर.आई. नेपाली सेवा सुन्ने सम्पूर्ण श्रोता तथा श्रोता क्लबहरुको छाता सङ्गठन सि.आर.आई. श्रोता क्लबहरुको राष्ट्रिय परिषद नेपालले नयाँ वर्ष 2009 को शुभकामना व्यक्त गरेको छ ।

         राष्ट्रिय परिषदका कार्यवाहक अध्यक्ष टिकाराम घिमिरेले नयाँ वर्ष 2009 का अवसरमा सम्पूर्ण नेपाली श्रोताहरुमा खुश, शान्ति तथा संमृद्धिको शुभकामना व्यक्त गर्नु भएको छ । उहाँले सदा झै नयाँ वर्षमा पनि नेपाली श्रोता र सि.आर.आई.बीचको सम्बन्ध अझै घनिष्ट हुँदै जावो भनेर मन्तव्य दिनु भएको छ ।

         राष्ट्रिय परिषदका उपाध्यक्ष लोकेन्द्र काफ्लेले नयाँ वर्ष 2009 मा नेपालमा चिनियाँ भाषा र संस्कृतिको थप विकास हुने आशा प्रकट गर्दै शुभकामना दिनु भएको छ । राष्ट्रिय परिषदका संस्थापक अध्यक्ष तथा वर्तमान प्रमुख सल्लाहकार प्रकाशबाबु पौडेलले समयको गतिसँगसँगै नेपाली श्रोता र सि.आर.आई.बीचको सम्बन्ध नयाँ युगमा प्रवेश गरेको बताउँदै विश्व शान्तिमा रेडियो प्रसारणको भूमिका अझै गहन भएको बताउनु भएको छ ।

        यसैगरी राष्ट्रिय परिषदका सचिव दुर्गा घिमिरेले नयाँवर्षमा सि.आर.आई. सुन्ने श्रोता, श्रोता क्लबहरु तथा राष्ट्रिय परिषदबीचको सम्बन्ध अझै घनिष्ट हुने आशा प्रकट गर्नु भएको छ । समय अनुसार सि.आर.आई. का कार्यक्रमहरु अझै गुणस्तरी हुने तथा सञ्चालकहरुको अथक मिहिनेतले नेपाली श्रोताको मनमा अझै गाढा प्रभाव पर्ने पनि शुभकामना दिनु भएको छ ।

        राष्ट्रिय परिषदका संस्कृति विभागका प्रमुख मानबहादुर केसीले नयाँ वर्षमा सि.आर.आई.ले नेपालका थप एफ.एम.हरुमा लिङ्क गरी श्रोतालाई रेडियो सुन्न सजिलो बनाउने आशा प्रकट गर्नु भएको छ ।

        यसैगरी सि.आर.आई. माफत नयाँ वर्षको शुभकामना दिने राष्ट्रिय परिषदका पदाधिकारीहरुमा खेमराज सेडाइं, दिपक नेपाल, रमा शर्मा, लक्ष्मी लम्साल तथा कोषध्यक्ष गंगाप्रसाद शाह हुनुहुन्छ ।

        चेतनाथ आचार्य

        सि.आर.आई.

        काठमाडौँ